مجلس وحدت مسلمین پاکستان کے سیکرٹری امور خارجہ حجتہ الاسلام والمسلمین ڈاکٹر علامہ سید شفقت حسین شیرازی کی جامعۃ الولایہ قم المقدس کے زیر اہتمام آپریشن طوفان الاقصی کی سالگرہ کی مناسبت سے منعقدہ سیمینار میں خصوصی شرکت اور خطاب

وحدت نیوز نیٹ ورک (نمائندہ خصوصی قم المقدسہ) تفصیلات کے مطابق جامعۃ الولایہ کے زیر اہتمام سیمینار میں سربراہ امور خارجہ نے اپنے خطاب میں قضیہ فلسطین کی اہمیت و ضرورت پر روشنی ڈالتے ہوئے کہا کہ غزہ کی فتح غاصب صیہونی ریاست کے وجود کی تاریخ میں ایک اسٹریٹجک واقعہ ہے جسے کئی دہایہوں تک یاد رکھا جائے گا۔ صیہونی جیلوں سے بےگناہ اسیران کی رہائی مظلوم فلسطینیوں کی ایک بڑی قومی کامیابی ہے۔ غزہ کی پٹی میں سلامتی اور استحکام کو برقرار رکھنا بہادر فلسطینی مزاحمت کی قومی ذمہ داری ہے۔
مزید برآں سید شفقت حسین شیرازی کا کہنا تھا کہ جس طرح غزہ فتح ہوا اسی طرح فلسطین آزادی کے راستے پر مزاحمت کے ذریعے فتح حاصل کرے گا اور اپنے مقبوضہ زمین کو واپس لے کر ایک فلسطینی ریاست کا قیام ہوگا۔ جس کا ابدی دارلحکومت قدس شریف ہوگا۔ انشاء اللہ تعالی