حماس کے عظیم رہنما اور اس کے سیاسی شعبے کے سربراہ اسماعیل ھنیہ کی شہادت کی خبر سن کر ہمیں بہت دکھی اور آفسردہ ھیں ،یہ شہادت غاصب صہیونی دشمن کی بزدلانہ کاروائی کا نتیجہ ہے/ سینٹر علامہ راجہ ناصر عباس جعفری
وحدت نیوز نامہ نگار) سینیٹر علامہ راجہ ناصر عباس جعفری کا سماجی پلیٹ فارم “X” میں فلسطین کی مجاھد اور مظلوم عوام، اور فلسطینی بہادر مقاومتی تحریکوں کے نام پیغام میں کہا کہ
حماس کے عظیم رہنما اور اس کے سیاسی شعبے کے سربراہ اسماعیل ھنیہ کی شہادت کی خبر سن کر ہمیں بہت دکھی اور آفسردہ ھیں ،یہ شہادت غاصب صہیونی دشمن کی بزدلانہ کاروائی کا نتیجہ ہے۔
ہم مجلس وحدت مسلمین کے پلیٹ فارم سے اس بڑی مصیبت کے موقع پر فلسطینی بہادر عوام، مقاومت کے بہادر فرزندوں، اور شہید سعید کے اہل خانہ کی خدمت میں تعزیت اور تسلیت پیش کرتے ہیں، اور آپ کو یہ یقین دلاتے ہیں کہ ھم رنج و غم کی اس گھڑی میں ہم آپ کے ساتھ کھڑے ہیں۔
غاصب صہیونی دشمن کی طرف سے اس جیسی بزدلائی کاروائیاں فلسطینی عوام کے عزم و حوصلہ، ارادے، اور ثابت قدمی کے رستے میں بالکل بھی حائل نہیں ہو سکتیں، بلکہ یہ مظالم اور غیر انسانی کاروائیاں اس بات کا سبب بنتی ہیں کہ فلسطینی عوام اپنے قانونی اھداف حاصل کرنے کے لئے مزید قوت و طاقت کے ساتھ میدان عمل میں آگے بڑھیں، اپنی مزاحمت اور مقاومت کو مزید مضبوط اور بہتر بنائیں، یہاں تک کہ وہ فتح مبین اور اپنے تمام غصب شدہ حقوق کو حاصل کر لیں۔
شہدا کا یہ مقدس خون کبھی بھی رائیگاں نہیں جائے گا، بلکہ ہمیشہ آزادی و حریت، عزت و شرف اور کرامت کی راہوں کو روشن کرتا رہے گا۔
ہم یہ بات جانتے ہیں، کہ جناب اسماعیل ھنیہ کی شہادت ایک بہت بڑا سانحہ اور ناقابل تلافی نقصان ہے، لیکن ہمیں یقین ہے، کہ فلسطینی مقاومت اور مزاحمت پہلے کی طرح مضبوط اور ثابت قدم رہے گی، اور جب تک کامیابی حاصل نہ کر لے، اپنے راستے سے پیچھے نہیں ہٹے گی،
جناب اسماعیل ھنیہ کی عظیم میراث ہمارے دلوں میں زندہ رہے گی، اور ان کی مقدس روح آنے والی نسلوں کے دلوں کو تپش، ہمت اور عزم و حوصلہ عطا کرے گی۔
رب کریم کی بارگاہ میں دست بدعا ہیں، کہ وہ مرحوم کو غریق رحمت فرمائے، ان کو جنت الفردوس میں جگہ عطا فرمائے، ان کے پسماندگان کو صبر جمیل عطا فرمائے۔
فلسطینی عوام اور بہادر فسلطینی مقاومت سے یہ ہمارا عہد ہے، کہ ہم ہمیشہ آپ کے شانہ بشانہ کھڑے رہیں گے، یہاں تک کہ آپ آزادی اور حریت کی عظیم نعمت حاصل کر لیں، مجلس وحدت مسلمین پاکستان دل و جان سے آپ کے ساتھ کھڑی ہے، اور آپ کی عادلانہ اور قانونی مزاحمت اور لڑائی کی تائید کرتی ہے، ہم ہر پلیٹ فارم پر آپ کے لئے آواز بلند کریں گے، اور یہ مطالبہ کریں گے، کہ ظالم صہیونیوں کے حملے فورا بند ہوں، اور جنہوں نے بھی اس جنگ میں انسانیت سوز جرائم کئے ہیں، ان کو سزا ملنی چاہیے۔