ميں علم کلام اور اسلامي عقائد ميں پوسٹ گريجويشن کے فائنل اير کا طالب علم هوں- هر بار ميرے ذهن ميں يه سوال پيدا هوتا هے که ميں کيوں اب تک اپني اخلاقي رذالتوں کا مشخص طور پر علاج نهيں کر سکا هوں؟ يعني يه که ميں جان لوں که مثلاً کس قدر ميں فلاں برائي کا علاج کر سکا هوں اور مجھے اس علاج کو جاري رکھنے کے ليے کيا کرنا چاهئيے؟ يه اس حالت ميں هے که ميں نے مختلف کتابيں پڑھي هيں اور اس سلسله ميں بعض CD بھي دقت اور غور کے ساتھه سني هيں اور اس دوران ميں نے کوشش کي که اپني اصلاح کروں، ليکن جلدي هي کچھه مدت کے بعد غفلت کا شکار هوا اور ميں نے محسوس کيا که جو کچھه ميں نے پڑھا هے وه ميرے بارے ميں بنيادي راه حل نهيں تھا- حتي ميں بهت مدت تک يه کوشش کر رها تھا که بحث کرنے کي عادت کروں اور ميں نے کئي کتابيں پڑھيں ليکن پھر بھي ميرا مقصد پورا نهيں هوا- مختصر يه که ميں اعتقاد رکھتا هوںکه جس طرح هم اپني جسماني بيماريوں کے بارے ميں طبيبوں سے رجوع کرتے هيں، هميں اپني روحي اور نفسياتي بيماريوں کے بارے ميں بھي ايسا هي هونا چاهئيے- ليکن ميرے ليے ايک مشکل هے اور وه يه هے که علم اخلاق کے علماء طبيبوں کے مانند دستياب نهيں هيں، جبکه ان کا دستياب هونا ضروري تر هے، اس کے علاوه ميں قبول کرتا هوں هميں واجبات اور جو کچھه جانتے هيں اس پر عمل کرنا چاهئيے تاکه راسته کھل جائے، ليکن اسي راه ميں جو مشکل ميرے ليے پيدا هوتي هے وه يه هے که تمام برائياں آپس ميں پيوسته هيں اور شايد ان ميں سے بعض برائياں دوسري برائيوں کا سرچشمه هيںجو ميري راه ميں رکاوٹ بني هوئي هيں-
اس بنا پر بمهرباني فرمائيے که ميں کيا کروں اور اپني بري اور رذيلانه صفتوں کو کيسے دور کروں؟ ضمناً ميرا سوال ايسے اخلاقي عالم کو ڈھونڈنے کي کيفيت کے بارے ميں نهيں هے جو کسي خاص ذکر کا ورود پڑھنے کو کهے، بلکه ميرا مراد يهي ميري مشکلات هيں ، جن کے بارے ميں مجھے يقين هے-
جواب:
انسان کو غفلت سے دوچار کرنے والے عوامل اس کي پوري عمر ميں اس کے همراه هوتے هيں اور انهيں ايک خاص زمانه سے مخصوص کر کے مکمل طور پر ختم نهيں کيا جا سکتا هے- آپ اس مسلسل مبارزه ميں قرآن مجيد اور اس کے مفاهيم سے مدد حاصل کر کے يا اس کے دستورات پر عمل کر کے غفلت سے رهائي پا سکتے هيں اور اگر اس راه ميں صادقانه کوشش کريں گے، تو بيشک خداوندمتعال آپ کي مدد فرمائے گا-
تفصيلي جواب:
سب سے پهلے آپ مبارکبادي کے مستحق هيں که آپ نے ايک ايسي راه پر قدم رکھا هے که جس کي انتها، خدا تک پهنچنا اور اس راه پر موجود، آپ کو خدا سے دور رکھنے والي رکاوٹوں کو هٹانا هے- آپ يقين کيجئيے که اگر اسي طرح اس راه پر استقامت اور پائداري کے ساتھه ثابت قدم رهو گے ، تو آپ کا انجام اچھا هوگا اور جيسا که خداوندمتعال نے ارشاد فرمايا هے: ” اور جن لوگوں نے همارے حق ميں جهاد کيا هے، هم انهيں اپنے راستوں کي هدايت کريں گے. . . (۱)”
ليکن آپ کے سوال کے بارے ميں قابل ذکر بات هے که اگر هم ايک ايسي راه حل کي تلاش ميں هوں جو غفلت کو ايک هي دفع جڑ سے اکھاڑ پھينک کر اسے همارے وجود ميں نابود کر کے رکھدے، تو هم کبھي نتيجه پر نهيں پهنچيں گے، کيونکه خداوندمتعال کي تکويني مرضي يه هے که شيطان، انسان کي پوري عمر ميں اس کي رگوں ميں خون کے جاري هونے کے مانند اس کے همراه اور قريب رهے(٢)- اس بنا پر شيطان بھي مسلسل کوشش کرتا هے تاکه انسان کو غفلت سے دوچار کرکے خداوندمتعال سے دور رکھے اور خدا کے نزديک پهنچنے کي انسان کي کوششوں کو ناکام بنادے-
البته يه انسانوں کي زندگي پر حاکم، کلي قانون هے، اور يه هماري نااميدي کا سبب نهيں بن سکتا هے، چونکه هم اپنے مهربان خدا کے حضور ميں هيں، جو هر بهانه سے اپنے بنده کو اپني طرف کھينچنے کي کوشش کرتا هے اور هم مطمئن هيں که اگر هم تھوڑي سي کوشش کريں، تو خدا کي مرضي کے سامنے شيطان کے تمام مکروحيلے کمزور اور بے اثر هو کر رهيں گے(۳)- خداوندمتعال اپنے بندوں کے قريب هے اور ضرور ان کا جواب دے گا(۴)، ان کے تمام گناهوں کو بخش دے گا(۵) اور کبھي بنده کے توبه کي صورت ميں انتهائي مهرباني سے اس کے نامه اعمال ميں مرتکب هوئے گناهوں کي جگه پر ثواب لکھے گا(۶)؛ ايک روايت ميں بيان هوا هے که ، اگر بنده کسي گناه کو انجام دينے کا قصد رکھتا هو ليکن اسے انجام نه دے، تو خداوندمتعال اس کے ليے کوئي چيز نهيں لکھے گا اور حتي اگر اسے انجام بھي دے، تو اس کے اعمال نامه ميں صرف ايک گناه لکھے گا اور اگر وه کسي نيک کام کو انجام دينے کا قصد کرے گا ليکن اسے انجام دينے ميں کامياب نهيں هوگا، تو خداوندمتعال اس کے ثواب کو اس کے اعمال نامه ميں درج کرے گا اور اگر اس نيک کام کو انجام دينے ميں کامياب هوا تو، اس کے دس برابر ثواب دے گا، اور اگر گناه انجام دينے کے بعد خدا کي بارگاه ميں توبه کرے تو خداوندمتعال اس کے گناهوں کو بخش دے گا-
ضمناً ، انسان کے ليے جان کني کے آخري لمحه تک توبه کا دروازه کھلا رهتا هے(۷)- هم نے ان مطالب کو اس ليے بيان کيا که کبھي نااميدي کا احساس نهيں کرنا چاهئيے، کيونکه صرف کافر اور گمراه لوگ خدا کي رحمت سے نااميد هوتے هيں(۸)- اس کے علاوه مدنظر رکھنا چاهئيے که شيطان کے وسوسوں ميں سے ايک يه هے که انسان کو کسي نه کسي طرح خودسازي اور اپنے آپ کي اصلاح کرنے سے نااميد کرتا هے، که ان تلقينات سے که يه راه بهت سخت اور دشوار هے اور آپ ميں اس کو طے کرنے کي توانائي نهيں هے؛ اس راه کے ليے تجربه کار اساتيد کي ضرورت هے که آپ ان تک رسائي حاصل نهيں کر سکتے هيں؛ اور يه که آپ کي کوششوں کا اب تک کيا فائده ملا هے، صرف تم نے اپني فکر کو مشغول کيا هے اور دوسرے امور ميں ترقي کرنے سے پيچھے رهے هو؟؛ اور اسي طرح کے سيکڑوں دوسرے وسوسے . . . ۔
اس بات کو مدنظر رکھنا چاهئيے که معنوي خودسازي کي راه ميں ايسي کوشش کي جاني چاهئيے که انسان کو عادي زندگي کي راه سے گمراه نه کرے تاکه بعد ميں وسوسه اور انس و جن کي شماتت کا سبب نه بنے، بلکه انسان خودسازي کي کوشش سے دنيا ميں ايک کامياب فرد هو سکتا هے اور اپنے نيک کردار اور رحمت الهٰي کي اميد سے توشئه آخرت بھي فراهم کر سکتا هے، کيونکه جو چيز انسان کو غافل کر سکتي هے، وه اس دنيا ميں اچھي،آرام اور مناسب زندگي هے، بلکه اس پر بھروسه کرنا اور اخروي زندگي ميں يقين نه کرنا هے- اس سلسله ميں هم قرآن مجيد ميں پڑھتے هيں: “يقيناً جو لوگ هماري ملاقات کي اميد نهيں رکھتے هيں اور زندگاني دنيا پر هي راضي اور مطمئن هو گئے هيں اور جو لوگ هماري آيات سے غافل هيں، يه سب وه هيں جن کے اعمال کي بنا پر ان کا ٹھکانا جهنم هے(۹)-“
مذکوره بيان کے پيش نظر اور يه که انسان کو اپني تمام عمر کے دوران شيطاني وسوسوں سے مسلسل مقابله کرنا چاهئيے تاکه رحمت الهٰي سے ملحق هو جائے، هم يهاں پر اس مبارزه ميں مفيد چند نکات کي طرف اشاره کرتے هيں:
۱۔ تدبر کے ساتھه قرآن مجيد کي تلاوت:
جيسا که هم جانتے هيں که قرآن مجيد ايک ايسي کتاب هے ، که اس کے مضامين ميں غوروفکر کرنے اور انهيں دهرانے سے، غفلت کے عامل سے مقابله کيا جا سکتا هے، چناچه بهت سے مواقع پر اس مقدس کتاب کو “ذکر” کے نام سے ياد کيا گيا هے(۱۰) که اس کے لازمي معني غفلت سے دور هے- رسول اکرم صلي الله عليه وآله وسلم نے فرمايا هے که : ” اگر کوئي شخص هر رات کو ، قرآن مجيد کي دس آيات کي (تدبر کے ساتھه) تلاوت کرے ، اسے غافلوں ميں شمار نهيں کيا جا سکتا هے(۱۱)-” امام صادق عليه السلام فرماتے هيں: “قرآن مجيد خداوندمتعال کا اس کے بندوں کے ساتھه عهدوپيمان هے اور سزاوار هے که هر مسلمان بنده اپنے عهدنامه پر گور کرتے هوئے روزانه پچاس آيات کي تلاوت کرے(۱٢)-” آپ ، قرآن مجيد کي دائمي تلاوت اور اس ميں غوروفکر کرنے سے کچھه ايسے نکات پائيں گے جو آپ کے اس مشکل مبارزه ميں آپ کي مدد کريں گے- واضح هے که اس راه ميں، وه تلاوت مفيد هے جو غوروفکر اور تدبر کے ساتھه هو ورنه قرآن مجيد کے مضامين ميں غوروفکر کے بغير صرف قرآن مجيد پڑھنے ميں اگرچه کچھه ثواب هوں(۱۳)، ليکن اس سے لازمي استفاده نهيں کيا جا سکتا هے-
۲۔ دنيا طلبي سے مقابله(۱۴):
جس دنيا کي دوستي غفلت کا سبب هو، وه خداوندمتعال کي نعمتوں اور اجتماع ميں حضور سے استفاده کرنے کے معني ميں نهيں هے، کيونکه خداوندمتعال نے متعدد آيات ميں اس قسم کے استفاده کو جائز قرار ديا هے، بلکه اس کي همت افزائي کي هے(۱۵)- بالفاظ ديگر يه کها جا سکت اهے که دنيا طلبي ميں کوئي اعتراض نهيں هے، بلکه يه دنيا پرستي هے جو غفلت کا سبب بنتي هے- هم قرآن مجيد ميں پڑھتے هيں : ” پھر جس نے سرکشي کي هے، اور زندگاني دنيا کو اختيار کيا هے،جهنم اس کا ٹھکانا هے(۱۶)-” اس سلسله ميں امام صادق عليه السلام فرماتے هيں: ” دنيا کي دوستي تمام گناهوں کي جڑ هے(۱۷)-” اور يه حقيقت، همارے روزمره گناهوں پر دقت کرنے سے واضح هوگي، کيونه وه تمام گناه کسي نه کسي طرح هماري دنيا طلبي کي طرف پلٹتے هيں که من جمله، دولت، مقام، شهرت اور دنيا کي حقير لذتوں تک پهنچنے سے دوستي هے- حتي نمونه کے طور پر، جو توجيه هم گناهوں کے بارے ميں غيبت کے مانند پيش کرتے هيں، وه يه هے که دوسروں کو ذليل کر کے اپنے آپ کو اپنے مانند افراد کے سامنے صاف و پاک ثابت کريں، تاکه اس دنيا ميں کاميابي حاصل کر سکيں. . . دنيا پرستي، کا سرچشمه انسان کا معاد و آخرت کے بارے ميں خدا کے وعدوں پر اطمينان نه رکھنا هے-
۳۔ خدا کو هميشه حاضر و ناظر جاننا:
هم قرآن مجيد ميں پڑھتے هيں: ” اور جس نے رب کي بارگاه ميں حاضري کا خوف پيدا کيا هے اور اپنے نفس کو خواهشات سے روکا هے، تو جنت اس کا ٹھکانا اور مرکز هے(۱۸)-” اس آيت کي تفسير ميں امام صادق عليه السلام فرماتے هيں: ” جو شخص يه جان لے که خداوندمتعال اسے ديکھتا هے اور اس کي بات کو سنتا هے اور اس کے نيک و بد کردار سے آگاه هے، اور اس شخص کا اتنا هي جاننا اس کے برے اعمال انجام دينے ميں رکاوٹ بنے، تو اس شخص کو اس آيه شريفه کا مصداق جانا جا سکتا هے(۱۹)-
قرآن مجيد ميں متقين کي توصيف ميں ارشاد هوتا هے: ” جو لوگ صاحبان تقويٰ هيں جب شيطان کي طرف سے کوئي خيال چھونا بھي چاهتا هے تو خدا کو ياد کرتے هيں اور حقائق کو ديکھنے لگتے هيں(٢۰)-” امام جعفر صادق عليه السلام اس آيه شريفه کي يوں تفسير فرماتے هيں که: ” يه آيت ايک شخص کے بارے ميں هے جس نے ايک گناه انجام دينے کا قصد کيا تھا، ليکن خدا کو ياد کر کے اس سے منصرف هو گيا هے(٢۱)-” جس طرح آپ مشاهده کر رهے هيں، ممکن هے ايک باايمان انسان بھي کچھه لمحات کے ليے شيطاني وسوسوں کا شکار هو جائے، ليکن فوري طور پر خدا کو ياد کر کے شيطان کے پھندے ميں پھنسنے سے بچ سکتا هے- خدا کي ياد (ذکر) انسان کي معنوي ترقي ميں موثر عامل هے اور نقل کيے گئے تمام اذکار و اوراد ميں سے اگرچه ممکن هے هر ايک کا ايک خاص اثر هو، ليکن سرانجام وه سب خدا کو ياد کرنے ميں مفيد هيں- اس بنا پر، جيسا که آپ بھي اس صحيح نتيجه پر پهنچے هيں، ضروري نهيں که ايک خاص ذکر کو پڑھا جائے اور اس سے معجزه کي توقع کي جائے ، بلکه کوشش کيجئيے که هر موثق ذکر کے ذريعه خدا کي ياد کي جائے اور دعائے کميل ميں اميرالمومنين عليه السلام کي فرمائشات کے مطابق ، آپ کے تمام اذکار منسجم هو کر هميشه خدا کي خدمت ميں هوں(٢٢)-
۴۔ شيطاني ريشه دوانيوں کے بارے ميں هوشياري:
هماري غفلت کي دلائل ميں سے ايک يه هے که هم مطمئن نهيں هيں يا بھول گئے هيں شيطان نامي همارا کوئي دشمن هے جس نے قسم کھائي هے تاکه هم انسانوں کو گمراه کرے(٢۳)- اور امام صادق عليه السلام فرماتے هيں: “اگر هم مطمئن هوں که شيطان نامي همارا ايک دشمن هے، تو هماري غفلت کي دليل کيا هے(٢۴)؟ اگر ميدان کارزار ميں سپاهي ، دشمن کے وجود اور اس کے حمله کے عزائم کے بارے ميں مطمئن هوں تو وه کبھي اس سے غافل نهيں رهيں گے؛
۵۔ اپنے علم و دانش پر عمل کرنا:
ايک اور مطلب جس کي طرف آپ نے خود بھي اشاره کيا هے، وه اس چيز پر عمل کرنا هے جو آپ نے علم سے حاصل کي هے اور يه اس معني ميں نهيں هے که آپ اپنے علم پر اکتفا کر کے اپني معلومات کو وسعت بخشنے کي کوشش نه کريں، بلکه اس کا يه مطلب هے که ايک طرف سے آپ نے اپني توانائي کے مطابق تقوائے الهٰي کي رعايت کي هے(٢۵) اور دوسري طرف سے آپ نے اپنے علم کے مطابق عمل کيا هے، خداوندکريم (آپ کا کردار سچا هونے کي وجه سے) آپ کي لاعلمي (جو کوتاهي که وجه سے نهيں هے) سے چشم پوشي کرے گا(٢۶)-
۶۔اخلاق کے اساتيد:
علم اخلاق کے اساتيد دستياب نه هونے کے بارے ميں بھي ، جيسا که بيان کيا گيا، قابل ذکر هے که، ياد دهاني کرنے والي اور غفلت کو دور کرنے والي کتاب يعني قرآن مجيد ميں غور و فکر کر کے اس کمي کو پورا کيا جا سکتا هے، جو هميشه آپ کے دسترس ميں هے- خاص کر چونکه آپ کا تعليمي موضوع قرآني مفاهيم اور عربي زبان سے بيشتر آشنائي پيدا کرنا هے، اور ضرورت کي صورت ميں آپ تفسير اور احاديث کي کتابوں سے استفاده کر سکتے هيں- ضمناً اگر انسان اپنے آس پاس پر عبرت کي نظر ڈالے ، تو اسے کافي حد تک ايسے موارد مليں گے جو اس کے ليے موعظه کي حيثيت رکھتے هيں- اميرالمومنين عليه السلام فرماتے هيں: ” انسانوں کے ناپائيدار هونے کے بارے ميں فکر اور موت کے قطعي هونے پر توجه بھي موعظه کے ليے کافي هے(٢۷)-” البته يه اس معني ميں نهيں هے که اخلاق کے اجلاس ميں شرکت نهيں کي جائے، بلکه امام سجاد عليه السلام دعائے ابو حمزه ثمالي ميں فرماتے هيں: ” علم و دانش کے جلسات سے دوري اختيار کرنا خدا کے پاس انسان کا مرتبه کم هونے کا سبب هوتا هے(٢۸)-” ليکن علمائے اخلاق کے دسترس ميں هونے کے پيش نظر،ايسا ممکن نهيں هے که هم شب و روز ان جلسوں ميں شرکت کرتے رهيں اور دوسري جانب سے هوشيار رهيں که غفلت سے دوچار نه هو جائيں، نصيحت کي گئي هے که اس سلسله ميں اپنے علم و دانش سے استفاده کريں-
هم آخر پر آپ کے ليے زياده سے زياده کاميابي کي تمنا رکھتے هيں، اگرچه اس سلسله ميں آپ کي کوششيں خود ايک بڑي کاميابي هے که بهت سے لوگ اس سے محروم هوتے هيں-
منابع اور مآخذ:
(۱) -عنکبوت، ۶۹.
(٢) -مجلسي، محمد باقر، بحار الانوار، ج ۶۰، ص ٢۶۸، حديث ۱۵۴، مؤسسه الوفاء، بيروت، ۱۴۰۴ ه ق .
(۳) – نساء، ۷۶ .
(۴) – بقره، ۱۸۶.
(۵) – زمر، ۵۳.
(۶) – فرقان، ۷۰.
(۷) -بحار الانوار، ج ۶، ص ۱۸، به نقل از کتاب کافي.
(۸) – يوسف ، ۸۷؛ حجر، ۵۶.
(۹) -يونس، ۸-۷ .
(۱۰) -اعراف، ۶۳ و ۶۹؛ يوسف، ۱۰۴؛ انبياء،۵۰؛ يس، ۶۹؛ ص، ۴۹ و ۸۷؛ قلم، ۵٢؛ تکوير، ٢۷؛ حجر، ۹ و …. .
(۱۱) -شيخ حر عاملي، محمد بن الحسن، وسائل الشيعه، ج ۶، ص ٢۰۱ ، روايت ۷۷۳۱، مؤسسة آل البيت، قم، ۱۴۰۹ .
(۱٢) -وسائل الشيعه، ج ۶، ص ۱۹۸ ، روايت ۷۷٢۱ .
(۱۳) -چونکه روايتوں ميں آيا هے که قرآن مجيد پر نگاه کرنا بھي عبادت شمار هوتي هے-
(۱۴) جيسا که بيان کيا گيا، ْقرآن مجيد ميں تدبر سے غفلت کے تمام مرحلوں کو دور کيا جا سکتا هے اور يه مورد اور دوسرے موارد قرآن مجيد کي تعليمات کے علاوه کچھه اور نهيں هيں بلکه ان سے هي ليے گئے چند نکات هيں.
(۱۵) -ملک، ۱۵؛ بقره ۱۶۸و ۱۷٢؛ مائده ۸۸؛ انعام ۱۴۱و ۱۴٢؛ اعراف ۳۱؛ طه ۸۱؛ مؤمنون ۵۱ و ….
(۱۶) -نازعات، ۳۹-۳۷.
(۱۷) وسائل الشيعه، ج ۱۶، ص ۸ ، روايت ٢۰۸٢۱.
(۱۸) -نازعات، ۴۱-۴۰ .
(۱۹) -وسائل الشيعه، ج ۱۵، ص ٢۱۹ ، روايت ٢۰۳٢۱.
(٢۰) -اعراف، ٢۰۱.
(٢۱) -وسائل الشيعه، ج ۱۵، ص ٢۵۷ ، روايت ٢۰۴۴۱.
(٢٢) -حتي تکون اعمالي و اورادي کلها وردا واحدا و حالي في خدمتک سرمدا، الشيخ الطوسى، مصباح المتهجد، ص ۸۴۹، مؤسسه فقه الشيعه بيروت، ۱۴۱۱ هجرى قمرى.
(٢۳) -حجر، ۳۹؛ ص، ۸٢.
(٢۴) -بحار الانوار، ج ۷۰، ص ۱۵۷.
(٢۵) -تغابن، ۱۶.
(٢۶) -وسائل الشيعه، ج ٢۷، ص ۱۶۴ ، روايت ۳۳۴۹۸.
(٢۷) -وسائل الشيعه، ج ٢، ص ۴۳۶ ، روايت ٢۵۷۶.
(٢۸) -(او لعلک فقدتني من مجالس العلماء فخذلتني)، بحارالأنوار، ج ۹۵، ص ۸۷.
——————————
ماخذ: www.islamquest.net
