ملکی تاریخ میں پہلی بار کالعدم دہشتگرد جماعت سپاہ صحابہ کو پاک فوج نے دہشتگردوں کی فہرست میں شامل کرتے ہوئے ان کے دہشتگردوں کے ڈیٹھ وارنٹ جار ی کر دیئے ہیں۔ پاک فوج کے ترجمان آئی ایس پی آر کی پریس ریلیز کے مطابق آرمی چیف جنرل راحیل شریف نے کالعدم سپاہ صحابہ کے پانچ دہشتگردوں کو سینکڑوں شیعہ مسلمانوں کے قتل عام کے جرم میں ڈیتھ ورانٹ کی توثیق کر دی ہے۔ یہ ملکی تاریخ میں پہلی بار ہوا ہے کہ قومی اداروں نے سپاہ صحابہ کو دہشتگردوں کی فہرست میں شامل کرتے ہوئے اسکے دہشتگردوں کو پھانسی کی سزا سنائی ہے، تاہم ابھی بھی اسکی اصل پہچان اہلسنت و الجماعت کو چھپایا گیا ہے۔ کالعدم سپاہ صحابہ گذشتہ کئی سالوں سے اہلسنت و الجماعت کے نام سے سرگرم ہے جبکہ حکومت کی جانب سے اس کالعدم جماعت کو اپنی سرگرمیاں کرنے کی مکمل اجازت بھی دی گئی ہے۔ وقت کا تقاضہ یہ ہے کہ اب قومی ادارے اس ملک دشمن تنظیم جو فرقہ وارانہ فسادات میں مہارت رکھتی ہے اور دہشتگردی کے کئی سنگین واقعات میں ملوث پائی گئی ہے، اس کے ساتھ ساتھ عالمی دہشتگرد تنظیموں داعش و القاعد کے ساتھ اس کے مراسم بھی منظر عام پر آچکے ہیں، ایسے وقت میں جب ملک میں داعش جیسی دہشتگرد تنظیم کا خطرہ پاکستان پر منڈلا رہا ہے، ایسے وقت میں کالعدم سپاہ صحابہ کی سرگرمیوں پر فوری پابندی لگائی جائے
