اسلام ٹائمز: سندھ بھر کے 29 اضلاع میں 11 ہزار 745 نشستوں پر 3 مراحل میں بلدیاتی انتخابات ہوں گے، پہلا مرحلہ 31 اکتوبر، دوسرا 19 نومبر اور تیسرا مرحلہ 3دسمبر کو ہوگا۔
اسلام ٹائمز۔ الیکشن کمیشن نے سندھ میں 3 مراحل میں بلدیاتی انتخابات کیلئے تیاریاں مکمل کرلی ہیں۔ الیکشن کمیشن آف پاکستان کی جانب سے جاری بیان کے مطابق سندھ بھر کے 29 اضلاع میں 11 ہزار 745 نشستوں پر 3 مراحل میں بلدیاتی
انتخابات ہوں گے، صوبے بھر کی یونین کونسلز میں کُل 10 ہزار 89، جبکہ میونسپل کمیٹی اور ٹاؤن کمیٹی میں کُل ایک ہزار 656 نشستیں ہیں۔ الیکشن کمیشن کے مطابق صوبے بھر میں ایک میٹروپولیٹین، 3 میونسپل، 6 ڈسٹرکٹ میونسپل کارپوریشن، ایک ہزار 137 یونین کونسلز، 151 ٹاؤن کمیٹیز اور 24 ڈسٹرکٹ کونسل قائم کی جائیں گی۔ انتخابات میں 29 ڈسٹرکٹ ریٹرننگ آفیسرز، 316 ریٹر ننگ آفیسر اور 551 اسسٹنٹ ریٹرننگ آفیسرز ہوں گے۔ واضح رہے کہ سندھ میں بلدیاتی انتخابات کا پہلا مرحلہ 31 اکتوبر، دوسرا 19 نومبر اور تیسرا مرحلہ 3دسمبر کو ہوگا۔
