27 اپریل بروز ہفتہ 2024 مدرسہ حجتیہ قم المقدس میں مجلس وحدت مسلمین شعبہ قم کی جانب سے ” نقش مجلس وحدت المسلمین در سیاست پاکستان و حالات حاضرہ” کے عنوان سے ایک عظیم الشان سیمینار کا انعقاد رپورٹ : منظور حیدری سیمینار کے خطیب چئیرمن مجلس وحدت مسلمین سینیٹر علامہ راجہ ناصر عباس جعفری تھے

تفصیلات کے مطابق
سیمینار کا باقاعدہ آغاز برارد حسن نصر اللہ نے تلاوت کلام الٰہی سے کیا انکے بعد برادر عارف حسین نے شہداء کی شان میں ترانہ شہادت پیش کیا۔
سیمینار کے مہمان خصوصی حجت الاسلام و المسلمین سینیٹر علامہ راجہ ناصر عباس جعفری نے شرکاء سے اپنے خطاب میں کہا کہ ہم خوش قسمت ہیں کہ ایک عظیم رہبر، اور بابصیرت فقہی کے دور میں زندگی بسر کر رہے ہیں۔ ایک ایسا رہبر جو تمام ظالموں و جابروں کے مقابلے میں ڈٹا ہوا ہے ۔ جو بھی اس الہی رہبر اور الہی نظام کے ساتھ جڑ گیا وہ طاقت ور بن گیا ۔ انصار اللہ کو دیکھ لیں حزب اللہ کو دیکھ لیں جس اسرائیل کو ناقابل شکست سمجھا جاتا تھا اس کے غرور کو انہوں نے خاک میں ملا دیا ۔ دنیا ایک تاریخی موڑ سے گزر رہی ہے پاور و طاقت اسوقت ویسٹ سے شفٹ ہو رہی ہے ایسٹ کی طرف۔
ہمیں اس راستے سے رکاوٹیں دور کرنی چاہیے علماء کی یہ ذمہ داری بنتی ہے۔اس خطے کا سیاسی جغرافیہ تبدیل ہو رہا ہے۔ داعش ،شام ، عراق ، یمن کی لڑائی اس لیے تھی کہ امریکہ اپنا مطلوبہ سیاسی جغرافیہ بنانا چاہتا تھا۔ لیکن وہ شکست کھا چکا ہے۔۔رہبر معظم کی اسٹریٹیجی کی وجہ سے۔
غزہ کے اندر اسرائیل شکست کھا چکا ہے ۔ رہبر معظم کی ڈیفنس اسٹریٹیجی کی وجہ سے ایران طاقت ور ہو گیا ہے ۔
جہان اسلام متحول ہو رہا ہے امریکہ کا مطلوبہ جہان اسلام نفرتیں ، تکفیریت پھیلانا اور تفرقہ پھیلانا اور شیعوں کے خلاف سازشیں تھیں۔
امریکہ چاہتا تھا سب کو شیعوں اور ایران کے خلاف اکھٹا کیا جائے
لیکن رہبر کی اسٹریٹیجی کی وجہ سے شیعہ و سنی ایک ہو گئے ۔آج جو تشیع کو کامیابی مل رہی ہے وہ سیاسی اسلام کی وجہ ہے ۔نجف سے آیت اللہ سیستانی فرماتے ہیں اہل سنت ظاہراً بھی اور واقعا بھی مسلمان ہیں ۔
حکیم امت امام خمینی نے فرمایا تھا جو شیعہ سنی تفرقہ پھیلاتا ہے نہ شیعہ ہے نہ سنی بلکہ استعمار کا ایجنٹ ہے ۔
علامہ راجہ ناصر عباس جعفری نے ملک عزیز پاکستان کے حالات پر گفتگو کرتے ہوئے کہا کہ کسی کو حق نہیں کہ ہمارے ملک میں خلل ایجاد کرے اور مداخلت کرت۔ پاکستان میں جو بھی باہر سے حکومت کرے ہم اسکے مقابلے میں کھڑے ہیں ۔ امریکہ و دیگر ممالک کو کوئی حق نہیں کہ ہمارے ملک میں حکومت کریں ۔ ہماری اپنی آزاد خارجہ پالیسی ، داخلی خودمختاری اور اپنے ملک کے فیصلے ہم خود کریں گے ۔
آخر میں حوزہ علمیہ میں موجود علماء سے مخاطب ہوتے ہوئے کہا کہ حوزے میں موجود علماء سے گزارش ہے آپ سیاسی اسلام کے بارے ، لاقانونیت کے بارے ، ظلم کے بارے ، اتحاد کے بارے میں بات کریں ۔ خواتین پہ ظلم ہو رہا یے، جیلوں میں خواتین پہ تشدد ہو رہا ہے، آواز اٹھائیں ہم کربلا والے ہیں خون کے آخری قطرے تک ظالم کے خلاف ہیں۔