اس موقع پر ایم ڈبلیو ایم کے مرکزی رہنماء وامام جمعہ کوئٹہ علامہ سید ہاشم موسوی سے اتحاد بین المسلمین پر بات ہوئی اور اس بات پر زور دیا گیا کہ شیعہ سنی متحد ہوکر اسلام اور پاکستان کی نجات کیلئے اقدامات کریں۔
اہل بیت(ع) نیوز ایجنسی ۔ ابنا ۔ کی رپورٹ کے مطابق جمعیت علمائے پاکستان کے مرکزی سیکرٹری جنرل وفد کے ہمراہ مجلس وحدت مسلمین کوئٹہ ڈویژن کے دفتر تشریف لائے۔ وفد میں جنرل سیکرٹری جمعیت علمائے پاکستان و رکن پنجاب اسمبلی آغا سید مشہدی، حافظ احمد رضا اور سردار محمد خان لغاری شامل تھے۔ اس موقع پر ایم ڈبلیو ایم کے مرکزی رہنماء و امام جمعہ کوئٹہ علامہ سید ہاشم موسوی سے اتحاد بین المسلمین پر بات ہوئی اور اس بات پر زور دیا گیا کہ شیعہ سنی متحد ہوکر اسلام اور پاکستان کی نجات کیلئے اقدامات
کریں۔ مزید یہ کہ عوامی جدوجہد کہ ذریعے دہشتگردی کی روک تهام اور دہشتگردوں کی حوصلہ شکنی کرنے کیلے مشترکہ لائحہ عمل بنائیں۔ اس موقع پر ڈپٹی سیکرٹری جنرل ایم ڈبلیو ایم کوئٹہ ڈویژن علامہ ولایت حسین جعفری اور ڈویژنل سیکرٹری سیاسیات کامران حیدر بهی موجود تھے۔
