اسلام ٹائمز: پاکستانی دفتر خارجہ کے ترجمان قاضی خلیل اللہ نے ہفتہ وار بریفنگ دیتے ہوئے کہا کہ پاکستان اور بھارت کے درمیان سنجیدہ مسائل حل طلب ہیں اور پاکستان خطے میں امن کا فروغ چاہتا ہے جب کہ پاک بھارت تعلقات کو نارمل سطح پر لانا خطے کے لئے بہتر ہے اس لئے خطے کے امن کا قیام دونوں ملکوں کے مفاد میں ہے۔
اسلام ٹائمز۔ اسلام آباد کا کہنا ہے کہ پاکستان میں بھارتی مداخلت کا معاملہ دنیا بھر میں اٹھایا جائے گا تاہم پاکستان بھارت سمیت تمام ہمسایہ ممالک کے ساتھ پرامن تعلقات کا خواہاں ہے۔ پاکستانی دفتر خارجہ کے ترجمان قاضی خلیل اللہ نے ہفتہ وار بریفنگ دیتے ہوئے کہا کہ پاکستان اور بھارت کے درمیان سنجیدہ مسائل حل
طلب ہیں اور پاکستان خطے میں امن کا فروغ چاہتا ہے جب کہ پاک بھارت تعلقات کو نارمل سطح پر لانا خطے کے لئے بہتر ہے اس لئے خطے کے امن کا قیام دونوں ملکوں کے مفاد میں ہے۔ انہوں نے آپریشن ضرب عضب کے ایک سال مکمل ہونے پر پاک فوج کو مبارکباد پیش کرتے ہوئے کہا کہ مسلح افواج کی قربانیوں کو وزارت خارجہ قدر کی نگاہ سے دیکھتی ہے جب کہ عالمی برادری بھی دہشت گردوں کے خلاف کامیابیوں پر مسلح افواج کی معترف ہے۔ ترجمان دفتر خارجہ نے کہا کہ پاکستان شنگھائی تعاون تنظیم کانفرنس میں شرکت کرے گا تاہم اس سے متعلق تفصیلات بعد میں جاری کی جائیں گی۔
