ا

 

 

 

 

 

 

 

 

 

 

 

 

 

 

 

 

 

 

 

 آرمی چیف جنرل راحیل شریف نے قوم کو پیغام دیتے ہوئے کہا ہے کہ آئیے دہشت گردی کیخلاف جنگ میں ہمارے شانہ بشانہ چلیں، دہشت گردی کے خلاف آپریشن بلاخوف جاری رہنا چاہیئے۔ ہم نے ملک سے دہشتگردی کے خاتمے کا عزم کر رکھا ہے۔

فوج کے ادارہ تعلقات عامہ کی جانب سے جاری بیان میں کہا گیا ہے کہ آرمی چیف جنرل راحیل شریف نے نیشنل کاﺅنٹر ٹیررازم سینٹر پبی کا دورہ کیا۔ جہاں انہوں نے پاس آﺅٹ ہونے والے پہلے بیج کاجائزہ لیا۔ جس میں ایف سی اور رینجرز سمیت 500 اہلکار شامل ہیں۔ تربیت پانے والے 500 اہلاکاروں میں صوبوں کی پولیس اور ایلیٹ فورس کے 200 اہلکار شامل ہیں، جبکہ 100 اہلکاروں کا تعلق پاک فضائیہ اور بحریہ سے ہے۔ اس موقع پر آرمی چیف جنرل راحیل شریف نے کہا کہ عوام دہشت گردی کیخلاف جنگ میں اپنی صفوں میں چھپے دہشت گردوں کی نشاندہی کریں۔ دہشتگردی کیخلاف آپریشن بلاخوف جاری رہنا چاہیئے۔ ان کا کہنا تھا کہ انٹیلی جنس نظام اتنا مربوط ہونا چاہیئے، کہ کسی بھی ناخوشگوار واقعہ کی اطلاع پیشگی مل سکے۔ انہوں نے کہا کہ پاک فوج قانون نافذ کرنے والے اداروں کی تربیت کیلئے بھرپور کوشش کر رہی ہے، اور انسداد دہشتگردی کیلئے سکیورٹی اداروں کی استعداد بھی بڑھا رہے ہیں۔