مجلس وحدت مسلمین پاکستان کے سیکرٹری جنرل علامہ راجہ ناصر عباس جعفری نےگلگت بلتستان کے وفد سے مالاقات میں کہا
ایکنا نیوز- شفقنا-علامہ راجہ ناصر عباس جعفری نے نےگلگت بلتستان کے وفد سے مالاقات میں کہا کہ گلگت بلتستان کی عوام باوفا عوام ہے، یہاں کے لوگ غیرت مند لوگ ہیں، انہوں نے اپنی جواں مردی سے اپنے علاقے کو آزاد کرایا، ڈوگرہ راج کو مار بھگایا لیکن ظالم حکمرانوں نے یہاں کی عوام کو حقوق سے محروم رکھا ہوا ہے۔ مجلس وحدت مسلمین پاکستان کے سیکرٹری جنرل کا کہنا تھا اس ظلم کے خلاف ہم ہر سطح پر آواز بلند کریں گے۔ انہوں نے کہا کہ ہم اس وطن کے باوفا بیٹے ہیں، اس ملک کو ہم نے بچانا ہے، ملک میں بھائی چارگی اور وحدت کی فضا قائم کر کے تعصبات اور فرقہ واریت کو دفن کرنا ہے۔ ہم نے ہر ظالم کے خلاف قیام کرنا ہے اور مظلوموں کی داد رسی کرنی ہے اور کربلا کا یہی پیغام ہے کہ ہم ہر ظالم کے خلاف اٹھ کھڑے ہوں۔ اگر گلگت بلتستان کے مظلومین مل جائیں تو کرپٹ سرمایہ داروں کو شکست دے سکتے ہیں۔ انہوں نے کہا کہ گلگت بلتستان میں موجودہ حکومت نے بدعنوانی اور اقرباءپروری کے ذریعے عوام کے حقوق پر ڈاکے ڈالے ہیں۔ ہسپتالوں میں کسی قسم کی سہولت نہیں، لوگ گندے پانی کے سبب بیماریوں کا شکار ہو کے زندگی کی بازی ہار جاتے ہیں، یہ مسائل اسی صورت میں حل ہونگے جب ان سرمایہ داروں اور اشرافیہ کے راستے روکیں جائیں گے
