مسلم امہ کو درپیش مسائل کے حل کیلئے تمام مکاتب فکر کو ملکر اپنی ذمہ داری نبھانا ہوگی، ڈاکٹر علامہ شفقت شیرازی
مجلس وحدت مسلمین پاکستان کے مرکزی ڈپٹی سیکرٹری جنرل اور خارجہ امور کے سربراہ ڈاکٹر علامہ سید شفقت حسین شیرازی نے بیروت میں لبنان کے معروف سنی عالم دین، مسلم علماء ایسوسی ایشن لبنان کے صدر شیخ احمد الزین اور مسلم علماء ايسوسی ايشن لبنان كے أمور خارجہ كے سربراه مولانا شيخ ماهر مزهر سے ملاقات کی۔
اس ملاقات میں ایم ڈبلیو ایم پاکستان کے مرکزی رہنما نے امت اسلاميہ كو درپیش مسائل اور پاكستان ميں اہل سنت و اہل تشيع كے مابين اخوت و وحدت كے قيام، سنی اتحاد كونسل، پاكستان عوامی تحريک کے ساتھ ہم آہنگی اور پاكستان كو بحرانوں سے نكالنے كيلئے مشتركہ جدوجہد پر بریفنگ دی۔
مسلم علماء ايسوسی ايشن لبنان کے رہنماوں نے پاکستان میں اتحاد بین المسلمین کیلئے کی جانیوالی ایم ڈبلیو ایم كی كوششوں كو سراہا، لبنان و بلاد شام ميں مسلمانوں كے مابين وحدت و اخوت، نفرتوں اور تكفيريت كی فكر كے مقابل علماء لبنان كی كوششوں كو بيان كيا۔ انکا کہنا تھا کہ آج عالم اسلام تكفيريت كی جلائی ہوئی آگ ميں جل رہا ہے، اب جہان اسلام کے سب علماء اہل سنت و اہل تشيع كو صیہيونی سازشوں كو بےنقاب كرنا چاہیئے۔ انہوں نے اميد ظاہر کی كہ سعودی عرب کے نئے فرمانروا امير سلمان بن عبدالعزیز سعودی عرب كی سياست ميں تبديلی لائيں گے، عالم اسلام بحرانوں سے نكلنے ميں كامياب ہوگا اور اسرائيل جو خطے ميں سب مسلمانوں كا دشمن ہے، اس کے ناپاک غاصب وجود كا خاتمہ ہوگا۔
0
