وحدت نیوز نیٹ ورک (اسلام آباد) سینیٹر جعفری نے ٹویٹر پر اپنے ایک بیان میں ٹرمپ کی خارجہ پالیسی کا حوالہ دیتے ہوئے لکھا کہ ایران کو دھمکیاں دینا اور وینزویلا پر فوجی حملوں کی بات کرنا بین الاقوامی قوانین کی بے حسی اور خلاف ورزی ہے۔ ٹرمپ بیرون ملک طاقت کا مظاہرہ کرکے اپنے داخلی بحرانوں کو چھپانے کی کوشش کر رہے ہیں، جبکہ وہ تیل کے مفادات اور ذاتی جاه طلبیوں کو ڈپلومیسی پر ترجیح دے رہے ہیں۔
مجلس وحدت مسلمین کے سیکرٹری جنرل نے مزید کہا کہ ٹرمپ کی بلند پروازیاں اور دھمکیاں محض منافقانہ چالیں اور طاقت کے مظاہرے کے سوا کچھ نہیں ہیں، اور اس قسم کی پالیسیاں بین الاقوامی استحکام کو خطرے میں ڈال سکتی ہیں۔
انہوں نے زور دے کر کہا: “دنیا کو ٹرمپ کی ان حرکتوں کے آگے جھکنا نہیں چاہیے۔ دھمکی اور تشدد کا مظاہرہ کوئی حل نہیں ہے، یہ صرف تناؤ میں اضافے کا سبب بن سکتا ہے۔”
ڈونلڈ ٹرمپ نے گزشتہ چند ماہ کے دوران ایران سمیت وینزویلا جیسے ممالک کے خلاف متعددف حملہ آمیز اور دھمکی آمیز پالیسیاں اپنائی ہیں، جن میں فوجی اقدامات اور معاشی دباؤ کی دھمکیاں شامل ہیں، جس پر بین الاقوامی سطح پر وسیع رد عمل سامنے آیا ہے۔
سیاسی مبصرین کا خیال ہے کہ ٹرمپ کی یہ کارروائیاں بنیادی طور پر طاقت کے مظاہرے اور امریکہ میں ان کے داخلی بحران کا جواب ہیں، جو خطے اور دنیا میں تناؤ کا باعث بن سکتی ہیں۔
